Святочныя Каляды
З мэтай далучэння дзяцей да беларускай народнай культуры і ўшанавання яе традыцый праз удзел у народным свяце, развіцця ўсведамлення сваёй прыналежнасці да нацыянальнай культуры і спадчыны, ва ўстанове 10.01.2023 года прайшла тэматычная забава для выхаванцаў.
Вялікую радасць
На вуліцы, ў хаты
Прынеслі Каляды,
Зімовыя святы.
Прынеслі забавы,
І жарты, і песні,
Загадкі і гульні
І танцы прынеслі.
Не спі, пані скрыпка,
І, бубен, прачніся.
Цудоўныя святы
У нас пачаліся!
Калядоўшчыкі, выхаванцы старшай групы, апранутыя ў касцюмы казы, мядзведзя, беларускія народныя касцюмы зазірнулі з каляднымі вершамі ў кожную ўзроставую групу.
Шчадравалі пад музычна-рытмічныя гульні “Го-го-го, каза”, Бубен”, “Вароты” запрашалі ўсіх пад музыку ў вясёлыя танцы і карагоды, спявалі народныя песні.
Скончылася мерапрыемства шчырымі пажаданнямі здароўя, добрабыту, багацця, шчасця. Калядоўшчыкаў у сваю чаргу адарылі салодкімі пачастункамі.